Бугунги кунда профилактик иммунизация инфекцион касалликлар пайдо бўлиши ва тарқалишини олдини олишнинг энг самарали чораларидан бири ҳисобланади. Специфик профилактика (вакцинация) – бу профилактик эмлашларни амалга ошириш йўли билан аҳолининг у ёки бу инфекцияга нисбатан таъсирчанлигини йўқ қилиш деганидир. Кейинги 40 йил ичида қизамиқ, дифтерия, кўк йўтал, полиомиелит, эпидемик паротит, вирусли «В» гепатити, қизилча, сил, грипп ва қоқшал каби энг тарқалган инфекцияларга қарши курашиш бўйича комплекс чора-тадбирлар қаторида профилактик эмлашлар ҳал қилувчи аҳамиятга эга бўлди.