ВГВ – бу «В» гепатитига қарши эмлашдир.

Вирусли «В» гепатити – бу жигар хасталаниши билан ифодаланадиган антропонозли инфекцион касалликдир. «В» гепатитининг вируси қобиқ ва нуклеокапсиддан иборат бўлади. Вируснинг қобиғи ВГВ (HBsAg) устки антигенга эга. НbsAg аниқланганлиги касаллик инфекцияси фаол ривожланиб бораётганлигидан далолат беради.

«В» гепатитининг вируси кўпгина жисмоний ва кимёвий омиллар таъсирига ғоятда чидамлидир. У 60 0С ҳароратда 10 соат давомида, қайнатилганда эса – 2 соат ичида инактивацияланади.

Вирусли «В» гепатитининг алоҳида хусусияти турли инфекция манбалари ва инфекцияни юқтириш йўлларининг мавжудлигидан иборат бўлиб, айнан шу жиҳат инфекция кенг тарқалишига замин яратади.

Инфекциянинг манбаи сифатида «В» гепатитининг турли шаклларига чалинган, шу жумладан ўткир гепатитнинг йўқ қилинган ва сариқ касалсиз шаклига учраган ҳар қандай бемор ҳамда «В» гепатити вируси билан зарарланган ва вирус ташувчи соғлом шахслар бўлиши мумкин.